紋black dog上身有段故 張惠雅盼每日記低快樂事

32歲的前HotCha成員張惠雅（Regen）年前在節目中自爆與年輕8歲的台灣男友分手後，因失戀受情傷，暴瘦至只有84磅，令不少網民表示擔心。

Regen昨日凌晨上載一張胸前紋有一隻黑狗的自拍照，是她今年1月第一次紋身的圖案，原來當中有好多深層意義，她寫着：「The black dog，影響生命好多好多事情，由我紋喺身上個刻，我同自己講，我接受佢，同佢共存，永遠嘅共同體。」

她自言「黑狗」與她共存十年以上，而過去每隔一段時間，她便會找大自然來一次「大清洗」，她續說：「如果有日你見到我，我唔笑唔想講嘢唔聽電話，希望你哋會知道同體諒我，知道我需要寧靜，一直都不斷搵方法點樣令呢隻狗仔乖啲。」如今她更為自己許下承諾，希望由明天開始，建立一個新習慣，她說：「每日都喺生活上搵啲開心嘅事紀錄低，好似日記咁，前幾日喺Netflix睇咗一大堆關於睡眠同腦部嘅documentary，你哋有冇人對人嘅潛意識或者夢境有咩睇法？分享下 #我的黑狗日記」。