Juicy叮｜Fresh Grad唔敢打電話叫外賣 網民：佢只係零社會經驗嘅產物

究竟怕羞要怕到咩程度先唔敢打電話叫外賣？網民日前在「香港討論區」發文，指上月有剛畢業的「新鮮人」加入公司，外表及氣場都帶有「怕醜仔嘅feel」，但發現新同事只會透過外賣app叫外賣，或者搭單叫同事幫忙買飯。

發文者指早前平日負責叫外賣的同事放假，只好叫新同事負責幫忙賣，但苦等多時，外賣一直都未到，最後新同事才表示，原來他透過外賣app叫外賣，所以需時比較久。當時有同事直言用外賣app叫外賣，價錢會貴很多，於是問新同事為何不直接打去餐廳，但新同事竟指：「打去叫好麻煩」。事後有其他人形容該新同事平時與顧客聯絡都「口窒窒」，估計他可能比較怕羞，所以害怕打電落叫外賣。

發文者不明白為何該新同事會害怕，於是問一眾網民「而家啲小朋友係咪真係咁細膽？家陣又唔係叫小巴有落，有咩好驚呀？」 。

有網民紛紛留言，指該名新同事剛踏入社會工作，是「零社會經驗嘅產物」，並非細膽，「每個人都有愚笨嘅時候，一些做法、習慣對自己正常但是對其他人奇怪，尤其是年輕嘅，呢啲過幾個月就冇嘢啦，無必要大驚小怪」，身為前輩的發文者可以代勞，「佢係唔係你請先？係既就罵佢一皮？唔係嘅佢唔洗向你負責，始終唔係公事」，不過亦有人認為該新同事可能想儲積分，所以才透過外賣app叫外賣。

有部份網民卻轉移話題，笑言乘搭小巴叫落車是真的需要很大勇氣，「如果驚嘅咪平時喺屋企練習下囉」、「試過叫『百樂戲院有落』俾成車人恥笑」、「人都要與時並進，如果個地方改咗名，就要跟住個新名去叫，如果而家仲叫大丸、雞地、百樂戲院，真係會俾人笑十年」。

帖文轉載自「香港討論區」