Juicy叮｜網民呻若買天水圍北新樓要五點九起床 被批新界邊個唔使早起身

樓價相對低、居住空間較廣闊的新界西北是不少市民首次置業的選擇，有網民在「香港討論區」發帖，指朋友抱怨天水圍北一個新樓盤，單要日日早上5時45分起床，之後食早餐30分鐘，起床後準備1小時。網民指，其朋友在太古的甲級寫字樓9時上班，出門口到辦公室要1小時45分鐘，而且上班時間輕鐵不易上車。

不過這番言論被批評是無病呻吟，「除非work from home, 否則邊度返工都要早起身」、「要住新樓又要負擔到，係要有犧牲及付出嘅心理準備」、「硬膠的你，住新界邊個唔要早起身架！香港係彈丸之地...出過國就度度都一兩小時車程架啦」、「大把人住天水圍/元朗返觀塘或過海啦，車程個半鐘內，又唔覺佢哋有咩問題。你朋友點計架」

也有人奉勸當事人放棄考慮天水圍，「既然當事人除非逼住要同屋企人住 ，我諗唔到有咩原因要買天北，肯定係買將軍澳或者港島東啊」、「講真，喺太古城番工，真係唔好諗新界西，就算我當你住荃灣，上車計都要46分鐘」。

也有人建議當事人轉工作地點，「住大西北又要較高薪，最理想是返尖沙嘴/中區，雖然我都係曾經係太古坊返工，但我果陣住屯門市中心 ，巴士只係55分鐘車程，同天北要差好遠」。

帖文轉載自「香港討論區」