【崩壞鏡仔】預告好忙頂硬上 Edan出賣隊友演唱會炒車相

MIRROR今年5月舉行一連6場演唱會，不過一眾成員依然回味緊表演，Edan（呂爵安）昨晚在社交網表示：「搵搵吓相見到呢啲相，真係笑死me😂😂」原來是他與Anson Lo（盧瀚霆）、Jeremy（李駿傑）、Stanley（邱士縉）及姜濤表演肥仔（梁業）歌曲《Lady Killa》時的炒車照！

5位成員十足玩過山車一樣，不止一兩人表情出事，而是「難得」地一同表情管理失敗！出賣隊友的Edan其實是有另一件事宣佈：「聽日開始我將會由 — 爵安（忙碌），進化做 — 爵安（好忙碌）🤓面對嚟緊嘅新挑戰同工作，爵安嘅心態就好似呢兩張圖嘅樣咁，同玩過山車一樣，頂硬上！🔥🔥。最後都係講返句，Sorry Bro😆😆😆」，他更預告之後會有少量單人黑圖分享給大家。

另外，AK（江𤒹生）也在IG分享演唱會點滴，他指自己在唱日本動漫《鬼滅之刃》主題曲《紅蓮華》之前只有40秒時間準備，不過片段就被發現只得14秒！對此他回覆：「換衫得40秒時間，我諗頭30秒我都係冇着衫，所以着衫嘅時間大概有14秒左右😂」，令一眾「生粉」（AK粉絲稱呼）跪求他上載騷肌短片！