愈嚟愈大隻上圍腫咗兩倍 C朗嫂好欣賞自己副偈

上個月，C朗（Cristiano Ronaldo）一家六口去咗西班牙小島Majorca度假，成家人坐超豪華遊艇由西班牙玩到去法國康城，曬咗一身健康膚色嘅C朗嫂仲扮到鬼火咁靚去埋康城影展Show吓個Body同啲珠寶。

日日唔使做歎世界買名牌湊小朋友嘅C朗嫂Po咗一堆相到IG，有着Bra相、泳衣相、同C朗合照又有食物相，唔知佢Po舊相定點，重點係呢期狂做Gym嘅C朗嫂愈嚟愈大隻，個胸愈嚟愈巨，會唔會有一日大隻過C朗?睇返佢IG舊相，16年嘅佢偏瘦，上圍有肉但未至於巨型，但而家明顯發脹咗兩倍，從C朗嫂經常對鏡自拍估計，佢好欣賞自己副偈，嗯，最緊要C朗鍾意。