Juicy叮｜網民拍上司膊頭被斥犯農曆7月禁忌 遭調在家工作一周

農曆7月為中國人俗稱的「鬼月」，民間流傳許多故事，也會有各種禁忌要小心。有網民就指因為不小心拍到上司的膊頭，結果被懲罰在家工作一周。

網民在討論區「香港討論區」發文，稱他本身不迷信，但他的上司則頗為迷信，每年都會叫風水師上公司視察看風水。發文者指，他「行係佢（上司）後面諗住同佢打招呼，點知佢叫極都唔應咁我咪拍咗佢一下膊頭」。

豈料上司突然大怒擰轉頭：「拍拍拍，拍咩拍呀？我啲火俾你拍熄晒啦！知唔知依家係農曆七月呀？你依家即刻同我返屋企，去到下星期一你先好返嚟office呀！」

發文者無奈他並非有心，「邊個叫佢唔應人啫，同埋依家仲邊有人留意咩咩禁忌呀？」。不過塞翁失馬焉知非福，發文者稱「咁樣可以WFH成個禮拜都幾舒服。」、「又指原本仲諗緊食咩早餐好，一聽到即刻返去WFH就衝返屋企買埋個靚早餐食」

有網民建議，「咁你叫佢不如list out 有咩禁忌」。

也有人認為發文者做得過火，「你明知佢嘅性格係咁下次溝通就就住啦，雖然呢次好似結果無咩，但係咁樣得罪老闆唔值得。」、「咁無大無細，呢個結局已經算好彩」、「做咁多年嘢，點都唔會拍上司膊頭...你老友丫？」

帖文轉載自《我上司話我犯左禁忌 叫我WFH到下星期一》