【舊片出土】自認細食做唔到吃播 張惠雅拍ASMR勁Fail遭好友恥笑

張惠雅（Regen）昨晚在IG上載一段短片，愛看ASMR「吃播」的她，自爆兩年前曾想加入拍片行列，更落手落腳拍過失敗片段：「幾乎晚晚瞓覺前都要睇完（ASMR）先至瞓，好想好想好想自己做食播。」片段中Regen試吃的是日本大福，有綠茶、芒果及士多啤梨味，不過她將片段分享給好友林秀怡及何佩珉，卻被兩人取笑，令她即刻打退堂鼓不敢再拍片。

Regen的器材相當簡陋，只有一個手揸咪收音，片段中亦不時發生蝦碌場景，如大福上面的粉末掉到她身上。而且Regen指自己食量不大，是拍攝ASMR短片的一大障礙：「食播嚟講我都算快飽，當時仲要有啲鼻塞，食到好似就嚟啃親咁。再加上自己咁細食，我就打消咗做食播呢個念頭。」之前壞電話的Regen一度以為片段已遺失，不過無意中在電腦尋獲，決定「開心Share」給大家取笑。