49歲生日開騷想過退休 鄭秀文泛淚憶亡父鼓勵

鄭秀文（Sammi）今日（19/8）49歲生日，每年生日都會與歌迷慶祝的她，昨晚假九展Star Hall舉行迷你音樂會，與近3千位「三米飯團」預祝生日，又唱又跳，有笑有淚兩小時，非常盡興。Sammi靚相前日隨音樂平台活動，登上美國紐約時代廣場大屏幕廣告，為生日贈慶。
音樂會以《我們的主題曲》揭開序幕，Sammi說：「咁多年嚟我喺音樂和電影角色都不斷新嘗試，怕悶，想挑戰自己。今次新碟試咗不同音樂風格。」然後與Shimica表演新歌《新造的人》。之後台上首播她形容是入行30年以來最喜愛的新歌《無人島》MV，她在MV中全新造型跳現代舞。

之後生日歌響起，舞台中間轉出坐在粉紅色梳化的Sammi，她捧著生日蛋糕，全場齊聲「生日快樂」。她說：「今年係我最後一年4字頭生日，多謝你哋為我慶祝。望到台下嘅螢光棒，一點一點，你哋就好似螢火蟲咁，一小點一小點咁凝聚對我嘅愛，支持我，愛護我，多謝你哋。」然後她與全場歌迷大合照，留下美好回憶。

除High爆與全場歌迷又唱又跳《獨家試唱》外，音樂會亦有感性時刻。Sammi提到爸爸時感觸眼濕濕，說：「我鍾意唱歌，用歌聲同自己打氣，同身邊嘅人打氣。今日好想唱畀天家嘅爸爸聽，佢以前成日都為我打氣。每次我感到氣餒，想退休嘅時候，爸爸就會為我打氣，鼓勵我。我好想唱呢首歌畀自己和返咗天家嘅爸爸。」然後她唱出陳百強的《喝采》，唱到眼濕濕，背向舞台拭眼淚。
音樂會尾聲，Sammi換上生日音樂會特別版tee，勁歌熱舞《信者得愛》、《Chotto等等》和《煞科》後，歌迷大嗌encore。她笑言自己年紀大好攰，但不敵歌迷熱情，即興加唱《愛的輓歌》和《終身美麗》為迷你音樂會畫上完美句號。
完場後，Sammi返入後台立即開薯片慶祝，她說：「終於可以食到朝思暮想嘅薯片，因為呢排保住把聲，終於完騷可以食和休息吓。希望今晚揀嘅歌歌迷都鍾意，因為呢個騷完全唔係紅館演唱會形式，揀嘅歌都幾冷門。多謝歌迷今晚帶畀我難忘嘅生日會，多謝大家祝福！」