Juicy叮｜網民辭職老闆加薪挽留 惟新工加40%人工感兩難

常言道：「魚唔過塘唔肥。」指要跳槽過後薪酬才會高，但不少打工仔向公司遞信辭職轉工時，都會被上司以加人工挽留。有網民於facebook專頁「奴工處」投稿，以「兩邊都加人工畀我，而家1516」為題，指自己在公司一直underpaid，但因多嘢學，所以一直未有轉工，直到早前去其他公司見工，希望了解自己的「市場價」，並以此向公司反映，要求加人工，否則就辭職。

豈料事主見工的新公司出手非常大方，二話不說願意加20%以上的人工，事主隨即遞信向上司請辭，「遞咗信點知上司留我，幫手出聲同上面爭取」，最後公司更願意加15%人工。初時事主覺得不能離開，「冇得唔留低還人情債」，只好回絕新公司的offer，但對方竟願意再將人工加40%，令他感到非常兩難，於是求助各位網民。

帖文出街後，網民的意見一致相同，認為事主「魚唔過塘唔肥」，新公司願意加40%人工，幾乎有半個月月薪，根本不用再加以考慮，而且留在舊公司，未來數年可能都無人工加，甚至要做更多工作，所以不用跟工作談感情，直接向上司講聲「江湖再見」便可以，「出嚟工作係為搵錢，不要同工作談感情」、「一路都under paid，下次都唔方會再加得多畀你。分分鐘幾年都冇得再加」、「冇人會幫上司還人情，留係人情唔留係道理」、「15% 同40% 嚟比，唔洗問啦，除非你同我講返工唔係為咗份人工，咁就另計」、「新公司加咁多，即係你真係值，既然舊公司一直都刻薄你，何必要留呢。」

來源：奴工處fb