Juicy叮｜家姐男友欲將物業放租搬女家同住細佬不滿：當屋企收留所

2021-08-22 09:51

正所謂相見好同住難，一名男網民於討論區發文指，其家姐的男友因家人移民，故打算將自住單位放租。未料家姐竟向家人建議指，讓男友搬進家中同住，引起該網民不滿，「當我屋企係咩呀？收留所呀？」

該名男網民於「香港討論區」發文指，其家姐與男友交往逾2年，近日男友的家人已移民外地，只剩他一個獨留在港，未料家姐竟打算邀請男友搬進樓主一家同住，「話佢男朋友無屋企人喺香港好可憐，可唔可以叫埋佢男朋友搬埋嚟一齊住」。

樓主又透露家姐的男友本來擁有一個自住單位，欲放租以增加每月收入，故引起樓主不滿，「當我屋企係咩呀？收留所呀？中意住就住？」、「唔明點解咁多餘要將自己層樓放租出去，然後自己要搬。」樓主表示，最不解竟是其父母亦贊成這個做法，「仲要話只係加雙筷咁簡單嘅事點會唔畀？」

樓主其後補充指，他與家姐本各自有一間房間，雖然單位空間可容納多一個人，「但係多個人住硬係覺得好古怪」，並坦言自己一直對家姐的男友無好感，「成日都白鴿眼睇唔起我」，但對方亦即將搬進其家中，令他倍感無奈，不禁嘆息，「真係有咁簡單咩？屋企多咗個三唔識七嘅人，咁都叫簡單。」

帖文了引起網民的熱論，不少網民都斥樓主家姐的男友厚面皮，「訂咗左婚都話，只係男女朋友就有少少肉酸」、「好自私嘅男人，自己收租仲要搬入女家住」，亦有網民獻計，「佢過嚟住可以，但要收返佢租，最多收平啲，水電煤湯水飯菜都係錢，數目都係清楚啲好」、「好簡單！樓主可以自己搬去家姐男朋友度住」！

資料來源：香港討論區