莊韻澄帶囝囝同余香凝對親家 廖子妤跳高同Anson Lo影「搭膊頭」合照

余香凝（Jennifer）為囡囡Clare舉行百日宴，雖然主人家未Post相，不過一眾賓客已經忍唔住上載相片分享喜悅！百日宴玩粉紅Dresscode，同Jennifer合作電影《骨妹》而變老友的廖子妤就在IG道：「我親愛的Clare，歡迎光臨這個荒誕的世界。對啊，你將來會遇到很多讓你覺得不可思議或讓你失笑的事，或許讓你懷疑、讓你困惑、甚至讓你痛苦。但是請相信你的名字，相信你自身能為自己和身邊的人帶來明亮，相信你能用你的聰明與智慧去衝破困難。縱使遇上無法解決的事，也能輕盈地去面對 ：）相信愛，相信善。祝福你接下來的百日、千日、萬日，日日都平安喜樂。」

莊韻澄（Xenia）就帶同5個月大囝囝呂崇滈（波子）出席，她表示：「今日帶波子識女仔🤪，第二次見就拖實人隻手啦🤣祝Clare bb 100日快高長大、身體健康、乖乖聽晒媽咪嗲哋話💕」波子捉實Clare小手，最興奮反而係兩位靚媽，仲各自抱住仔女合照，好有「對親家」Feel！

吳肇軒亦在社交網向Clare「講經」：「我阿媽教我，生日唔係淨係紀念我出世，仲係紀念我阿媽生咗我。Clare你出咗世100日喇，咁即係你阿媽都生咗你100日。你記得乖乖巧巧做個好寶貝，孝順多啲你阿媽，咁你就會好似你阿媽咁靚㗎喇❤️祝你兩母女，心想事成，健健康康。」他席間與波子玩得好開心，兩人扮名畫Pose之外，波子又摸吳肇軒面珠，𠱁得他露出慈父溫柔眼神。

另外，着到成身粉紅色的廖子妤也去埋尖沙咀與「教主」Anson Lo（盧瀚霆）廣告影相，她更搞笑Hashtag「#pinkpink同教主襯咗 #熱嚟講 #我又真係唔怕」。廖子妤跳起拍攝凌空相，扮被Anson Lo搭膊頭，成功的照片背後，其實是由吳肇軒操刀。