中女重拾校園回憶 吳偉豪唔介意「沖涼」被擺上枱：一齊笑吓

吳偉豪、蘇韻姿和謝嘉怡今日以校服look現身《愛·回家之開心速遞》宣傳，但論貪玩程度，似乎不及幾位「中女」呂慧儀、滕麗名和「大小姐」林淑敏，三人在台前互相拉扯領呔，重拾校園回憶。

吳偉豪首次擔任港姐司儀，笑言表現緊張「甩轆」，幸架車照行有驚無險。他表示仍未知港姐總決賽會否再做司儀，要問大師兄錢嘉樂及曾志偉。在台上被錢嘉樂笑問：「你沖涼仲有冇用電話……」雖然緊接說出「用電話叫外賣」，但明顯是用吳偉豪沖涼拍片的事件來搞笑。他表示為節目效果沒有尷尬，事前已經綵排過，大家睇到好笑便一齊笑。會否提起沖涼都驚?他笑笑口說：「咁都要沖涼。」

蘇韻姿亦被取笑是「嘉洛嫂」，她笑說：「未聽過，高攀唔起，但大家都係開玩笑。」她表示不清楚周嘉洛幾時歸隊拍《愛回家》，並趁機力sell自己：「暫時劇本未有佢，可能有其它劇拍。其實《愛》嘅藝員經常都crossover拍其他劇，我都希望可以交換拍其他劇。」

謝嘉怡表示很久沒有穿校服，以前讀書好乖未試過逃學，反而鍾意返學見同學仔。問是否多男同學追求？她說：「冇呀，通常都好快分手。」談到卸任心情，她表示看到佳麗被淘汰，自己亦會緊張到心跳加速。問她看好那位佳麗?她說：「冇特別，但施苿莉嘅廣東話唔正，我都有同佢分享心得。我都覺得自己廣東話有進步，但仍需努力同多練習，卸任嘅謝詞仲未準備好，可能要搵人執一執。」