穿紅噹噹外套賀71歲生日 譚詠麟願望：再開演唱會

生日快樂，譚校長！昨日（23日）是樂壇校長譚詠麟（阿倫）的71歲生日，阿倫人緣好，慶祝活動由十幾日前已經開始，他昨日再一次過「晒冷」，在微博分享連日來與一眾好友一齊切蛋糕、食壽包、影大合照的開心片段。除有溫拿舊拍檔彭健新、現任葵青警區指揮官謝振中之外，還有靚女廖碧兒和Gin Lee（李幸倪）陪過生日，而蛋糕款色更是包羅萬有，當中最特別當然是寫上「25」，代表年年25歲的生日蛋糕，見阿倫笑到見牙唔見眼，便知道很開心！

穿上紅噹噹外套的阿倫還轉載由歌迷會製作的生日短片，並講出生日願望：「多謝晒，多謝晒，所有嘅歌迷，你哋嘅心思。希望好快可以真係開演唱會，或者gathering，或者有我嘅新作品，呢個真係我嘅生日願望，希望可以願望成真啦。」