JUICY叮 | 港媽無結婚申5人家庭公屋被拒 出文抱怨反遭網民狠批

香港住屋問題嚴重，租金低廉的公屋一向爭崩頭。有女網民在網上討論區發文指與男友育有3名子女，慨嘆早前申請公屋時因欠一紙婚書而遭拒絕，大感無奈。惟網民未見同情之餘，反而狠批她為「攞盡著數」享用福利但又不願遵守規則。

該名女網民於「親子王國討論區」發文指，指與男友育有3名子女，一直未有結婚，因經濟狀況，曾申請在職家庭津貼、子女的書簿及交通津貼等政府津貼。她表示早前嘗試以5人家庭方式申請公屋，惟因與伴侶未有結婚，欠缺一紙婚書而遭拒，令她大表失望：「話因為冇結婚證書所以唔畀我申請，唔關人數事，唔通要踢走爸爸？」

帖文隨即引起網民熱論，不少網友指樓主若希望以5人家庭名義申請公屋，只需與男友辦理註冊結婚手續即可，「一張紙嘅重要性」、「你自己同3個小朋友申請，無結婚，唔可以用家庭身份申請，法律上無任何關係，有屋後都唔可以同住，因為屋無男方名」、「你無結婚證書，梗係唔承認你哋家庭身份，咁當然要踢走爸爸，你同3個小朋友入紙申請，政府係睇文件證明，唔係你話咩關係就係咩關係」。

有人更質疑樓主只想攞盡著數，卻又不願遵從申請條件，「無註冊，拎到大額津貼，又想當家庭單位計申請5人公屋，算唔算着數想攞到盡？」、「申請公共援助或者任何津貼嘅時候，想攞多啲就1家4口？申請公屋嘅時候，想攞大啲就1家5口？」
資料來源：親子王國