性感造型亮相被笑似穿睡衣 鄭融貪靚腳傷照穿4吋高跟鞋
2021-08-25 11:15 
鄭融以低胸露腰性感打扮亮相昨晚《2021勁歌金曲優秀作品第一回》，桃紅色外套下隱若露喱士bra；但可惜不敵右腳上的膠布搶鏡。雖然有腳傷，但鄭融仍忍痛穿4吋高跟鞋，她直言：「我著咗都唔夠高，點可以唔著；而且4吋唔算好高，我最高著過7吋，我有帶拖鞋換；始終工作要著靚啲，啱啱換完衫出嚟，有人嘩咗一聲，林奕匡仲笑我著睡衣。」
問到如何受傷，鄭融即透露：「年初去海灘拍攝要爬大石，落嚟時突然一陣風吹過，我啲頭髮遮住對眼，結果即叉錯腳，真係很邪。當時已立即去醫院照磁力共振，至今都未完全好返，傷患仲有積水；繞腳時腳板底會痛。依家仲要睇醫生及做禪柔運動，傷患有機會紏正、但未必可以完全康復。」
由於受腳傷困擾，鄭融直言擔心跳舞也受影嚮，因此近半年已沒有跳舞，日前她特別到排舞室練舞，但亦不敢做太大動作，以免影響傷患。
關鍵字
最新回應