着宮廷裝拍《膠戰2》 阿正FF同Jeffrey結婚

正在拍攝的ViuTV綜藝《膠戰2》，6位主持不時在社交網更新拍攝點滴，節目中眾人經常以不同造型現身，繼之前的古裝Look之後，今次6位「膠人」着上宮廷裝！阿正（黃正宜）留言：「多謝大家嚟到我同Jeffrey嘅FF婚禮！❤️登登登登登登登登💓（請自行配上Melody）」，果然夠痴女，不過Jeffrey似乎相當受落，留言問她「二人嗰啲（合照）呢？」，擺明Mean緊身後4個電燈膽！

Edan（呂爵安）則上載「走女」合照，表示4人是《膠戰》四大美男：「你以為我哋淨係識派膠？😌我哋chok起上嚟。。。嚇死你哋👻」，不過長袖宮廷服就嚇怕一眾爵屎（Edan粉絲稱呼），笑指《膠戰》與MIRROR一樣都係「冇夏天」。