Juicy叮｜欲賣2間細屋換1層千萬大單位 網民遭朋友質疑蠢

香港地寸金尺土，不少市民都期望居住空間可以更寬敞一些，有網民打算將手上2個細單位放售，換成一個千萬元大單位，引來網民反應不一。

網民日前在「香港討論區」發文稱想住好一點,打算收返一個出租物業,然後再出售正自住的一個物業，2個物業都已經供滿，這樣就可以一次過全現金購入貴一些、大約1000萬元的單位。不過網民說，「點知我朋友個個都話我蠢，話唔值，因為少咗份收入，但我都係拎嚟自住」，於是詢問其他網民意見。

有網民從投資角度出發稱，「政策市，按揭1000萬頂，一過千就升幅減慢，所以6-800萬係最大升幅間，兩間800，一定比一間1600升得快」。亦有人建議，「唔值得咁做，你寧願兩層都租出去，再自己租一間心儀嘅屋」。

不過有人認為提升生活質素並無不可，「梗係享受咗先，每晚收工返到自己擁有嘅地方，搬大咗人都開心啲，裝修佈置隔局可以因應自己喜好點攪都得。租盤？不了。計得掂數，自住樓一換一補錢+keep收租單位，既改善到生活又keep 到租金收入。計唔掂數，咪原定計劃二合一full pay，絕對無壞。」、「二換一，生活階級升左，好難用錢去衡量。去XX酒店食個下午茶，定話慳番啲錢 去茶餐廳食個蛋治，講緊係生活質素。」、「搵錢都係為咗生活舒適丶安枕無憂啫， 2個單位就算升多幾百萬唔通可以令你生活好啲？ 一家開心啲？ 你人生有幾多個十年？唔通一家四口住二千呎唔舒服過6百呎？」

有網民分享，「我當時換樓情況同你差唔多，我自住嘅4百幾呎，有能力買多間4百多收租，但最後都係換間大啲嘅，畀自己同小朋友住得舒服啲」。

帖文轉載自《用2層樓換1層樓 係咪真係好蠢？》