感激網民相助丨成功急購醫療設備 楊秀惠捐大馬醫院紓緩前線

楊秀惠早前在社交平台出post表示希望急購一批醫療設備，包括pulse oximeter（脈沖式血氧儀）和Oxgen concentrator（家用制氧機）、高流量鼻插管（High Flow Nasal Canola）等，紓緩大馬醫院前線醫療困境，於是她請求網民提供聯絡，尋找相關供應商：「首先希望如果馬來西亞有存貨，就立刻在馬來西亞購買，如真的沒有貨，才在新加坡或香港購買。因為是急需，所以想省掉運輸的時間。我只知道設備一定要有MDA Cert，馬來西亞的政府醫院才能使用。」

結果今日終於傳來好消息，秀惠在社交平台表示：「今天真的很開心，終於可以跟大家報告，昨天Hospital Sultanah Aminah 已成功接收到四台HFNC救命神器，供應商也會在這個星期日，提供Training 給醫院的ICU department， 我衷心希望這一批器材可以幫到有需要的人，亦希望很快，再沒有病人需要使用這批器材，大家成功戰勝了疫情。大家加油！」

其後楊秀惠亦解釋事件的始末：「其實呢間醫院係我同哥哥，妹妹出世嘅醫院。我睇到馬來西亞嘅新聞，馬來西亞嘅疫情比較嚴重，醫院都希望增添一啲設備去應付今次疫情嘅特別需要，所以我主動聯絡呢間醫院嘅officer ，確認佢哋需要嘅醫療設備，然後先作出捐贈。」她續說：「我個人嘅力量實在係太渺小，因為馬來西亞地方好大，有好多唔同嘅醫院，有好多唔同嘅需要，而且好大部份嘅醫療物質係一啲消耗性嘅產品，咁只要疫情一直持續，呢啲需求就永遠唔會減少，所以離解決問題仲有好遠嘅距離。所以都係希望多啲人可以一齊幫手，而我都係盡量盡我自己嘅綿力。」