拍劇跟男角傳緋聞嘆不公平 陳瀅直認跟方力申冇火花冇可能

陳瀅自2014年入行至今跟不少圈中男藝人傳過緋聞，近年與方力申（小方）的關係曖昧，就如她之前回加拿大探親，隔離期間獲小方送禮物外，他更在情人節於社交平台向女方留言：「Happy Valentine's Day」，令兩人緋聞甚囂塵上。

近日陳瀅接受商台梁泰來訪問，原來她跟小方相識全因張繼聰：「我哋過時過節都會去阿聰屋企食飯，我同小方第一次見面就喺阿聰屋企，之後幾年有一齊參與慈善活動，所以變咗好熟嘅朋友。」小方曾回應緋聞時講過：「never say never.」陳瀅笑說：「佢對任何一個人都好nice，係一個好outgoing好social嘅男仔嚟，所以好易令人有錯覺。」與小方會否有發展的空間，她搖搖頭說：「我之前嘅男朋友都係啱啱識咗就已經知道大家有冇spark，我同小方都識咗差唔多5年啦，已經過咗嗰個嘅階段啦。」

陳瀅的緋聞男友如陳家樂、張振朗等，至最近的周嘉洛全部都曾合作拍劇，她謂：「呢樣嘢我真係覺得唔fair，只要劇中有兩個單身就會傳緋聞，呢個唔係陳瀅嘅問題，所以唔係我易惹緋聞，又唔見我同馬德鐘、蕭正楠傳緋聞？」 她直認有結婚的打算，但卻未準備做媽咪，目前都是先以事業為先。