何廣沛公開表白：最鍾意朱朱

　　(星島日報報道)無線綜藝節目《開心大綜藝之暑假玩到盡》前晚（29日）播出第二集，並加入了《七公主》中的江嘉敏、陳曉華、朱智賢、何廣沛及方紹聰（奶仔）作為新血。

　　第二集單是分組已趣味十足，港姐冠軍陳曉華獲兩邊隊長力爭，楊潮凱為了贏，竟出口術謂：「聽講你同何廣沛有啲嘢，為咗避嫌，我建議你嚟我嗰組！」而何廣沛竟回應：「真嘢唔好攞出嚟講喎！」更表示願意替陳曉華按摩頸部，即惹起全場起哄。

　　不過何廣沛並沒有忘記緋聞女友朱晨麗，當他o氹朱智賢入組時，亦拋出愛的宣言「你知我最鍾意朱朱」，再次令在場人士起哄，似乎何廣沛為求勝利，真箇出盡法寶。