肥仔為呃Like公開炒車相 姜濤貼出破音片還擊師傅
2021-08-31 12:00 
姜濤和梁業（肥仔）近日推出合唱新歌《特務肥姜2.0》，MV播出後獲讚有電影感兼製作認真。繼早前姜B和MIRROR兄弟盧瀚霆（Anson Lo）等人互貼「黑圖」後，貪玩的肥仔日前亦在IG限時動態留言問：「話說有啲炒車相，有冇人想睇？」起初他先向fans「呃Like」要求在「肥姜」合照帖文達到8萬個Like才貼相，但後來改說：「諗諗吓8萬有啲難。」最後他要求在「肥姜」排舞帖文有5萬Like就公開姜B「炒車相」。
結果帖文昨晚隨即達標，不過姜B亦不執輸，昨晚在IG限時動態貼出肥仔在錄音室錄此歌時的走音短片，片中清楚聽到當肥仔唱得投入時一下子不慎卻走音，姜B抵死掩嘴狂笑。肥仔見狀即轉貼留言：「死仔包你想死呀！」後面還附有兩個嬲嬲emoji公仔。
肥仔隨即貼出姜B炒車相，接連有幾張都是姜B反白眼的相片，不過仍算靚仔，難怪肥仔也笑說：「不過點炒都唔夠Anson Lo咁高level。」最後他不忘送上一張姜B海棠春睡的花絮相，專程送給一眾「姜糖」珍藏。
關鍵字
最新回應