為新戲操出六嚿腹肌　胡鴻鈞：要努力Keep住身形

胡鴻鈞今日為新歌《今天不營業》到新城宣傳，他表示上次兩首新歌發放正能量，反而今次新歌內容指每人也有疲倦的時候，可容許自己休息，其實休息後才可行更遠的路，又笑言自己成日頹廢，但工作繁忙都沒有時間，不過覺得做運動可以休息，因為甚麼也不用去想。

身形清減不少的胡鴻鈞，透露因演出新戲飾演拳手角色，既要增肌又要減磅，以個半月時間，由69kg減至60Kg，他說：「我每日用3、4個小時做運動，仲食得好清淡，朋友約食飯都唔去。雖然現在可以食返正常，可能個胃細咗食唔落，之前打邊爐後係咁痾，個天可能想我健康啲。」他笑言已練出六嚿腹肌，亦想繼續保持身形，就算飲食變回正常，也不會吃得太油膩，教練也叫他吃多點東西增加肌肉。