【阿媽想喊】Lucy第一日返學冇喊 李元元媽咪：冇咗個囡好寂寞
2021-09-01 15:15 
李璨琛3歲囡囡李元元（Lucy）早前試穿校服但又未有得返學，傷心到喊，今日是9月1日開學日，終於畀呢位小朋友恨到返學！經營Lucy社交網的媽咪梁志瑩（Sophia）就上載帖文，指囡囡返學，失落的人反而是她：「李元元同學正式第一日返學。李元元梗係完全冇想喊嘅跡象，反而李老母就真係好想喊(CRY~~~)😭😭😭由今日起，李元元晏晝唔再喺屋企同佢玩或者俾佢玩，佢成個人覺得好寂寞又傷心，覺得自己好似冇咗個女咁呀！」
一般父母等到仔女返學都有「甩難」Feel，Lucy媽反而希望可以繼續同囡囡玩，她搞笑Hashtag「#老母以為自己好有型最後竟然唔捨得個女要返學😆 #其實可唔可以五歲先返學俾我玩多陣先😂😂😂」，而Fans都大讚Lucy着校服的樣子乖巧又可愛！
關鍵字
最新回應