Juicy叮｜雪糕店職員無戴罩兼食煙 網民：一句SORRY都無

一名網民在facebook群組投訴，指日前到新裝修的中環街市光顧一間雪糕店，付款後，驚見職員沒戴口罩，在開放式店舖內吸電子煙，更一邊處理食物一邊跟其他職員聊天，「更恐怖係佢個口罩直接放響餐具張枱上面」。

事主行開數分鐘再回來，見該職員仍未戴回口罩，遂上前提醒，「佢竟然一句sorry唔好意思都冇，仲好似我係白撞咁」，事主問對方「係咪應該消毒張枱」，但對方僅冷淡地回應「今晚會有人清潔」，令事主感憤怒。

該帖文引起網上熱議，有人認為事主反應過度，「你估你出街食飯個廚房佬有無戴口罩呢？」、「你杯雪糕都即場食嘅？咁又使唔使除口罩？你咁驚下次就唔好喺街食雪糕同飲嘢喇！ 」。

不過亦有網民為事主護航，做飲食業應注意衛生，「就算沒有疫情都應該戴」，又指處理食物時絕不應吸煙，「食電子煙賣野食真係有問題喎」。

根據《食物業規例》，食肆員工不得在處理未加掩蓋的食物時，或身在食物室時吸煙，一經定罪，可處罰款及監禁。另外，所有食肆的室內地方、室內工作間、公眾場所內的室內地方及部分由《吸煙（公眾衞生）條例》指定的戶外地方，均不可吸煙，違者可被定額罰款1500元。

來源：facebook中伏飲食報料區