憑歌寄意丨將新歌《結》送給太太 陳栢宇：我會為你一直護航

陳柏宇（Jason）太太符曉薇（Leanne）在今年新年前發現再次懷孕，可惜後來腹中BB卻被驗出患有罕見病「愛德華氏症」，最終忍痛決定終止懷孕，她坦言是次應是最後一次懷孕，已經沒有勇氣去承受再一次的打擊。而Jason自出事以來一直陪伴Leanne，事實上兩人結婚4年，甘苦與共渡過了不少難關。

日前Jason在社交平台出post，表示將新歌《結》送給太太Leanne：「5月時Leanne腹中第三胎因為愛德華氏症，需要進行人工流產。她很自責再次失去孩子，我也很心痛，我倆一直在找尋因由，胡思亂想到接連失眠。看到她的沮喪不安，很想給她一點安慰，不擅表達情感的我，想送一首歌給她振作，在製作《53FPS》的過程中，陳詠謙將我的想法寫了《結》的詞。」

Jason再續說：「我想說的是，無論發生什麼事，你不必害怕，因為有我在；你不必強裝撇脫，不必強顏歡笑，想哭便哭，想睡便睡，我會為你一直護航；這個結無論如何解開，我都會在你身邊一起面對，一起走過。希望在你難過時聽這首歌，可以給你溫暖。『彼此恩愛難分 經得起挫折』」

其後Leanne亦在自己的社交平台留言，感恩遇到Jason：「我老公係一個唔會講自己做咗咩嘅人，永遠都係用行動去證明，佢唔會用甜言蜜語去氹我，會用時間去陪伴我，經歷乜嘢事都係處理咗我嘅感受，忽略自己嘅感受。好記得佢講嘅一句嘢，佢同我講冇嘢重要得過我哋嘅關係，一個咁我係屋企嘅男人，都可以比我遇上，我係咪前世拯救咗地球，我每日都好感恩可以遇到陳廣偉#一早起身照顧個女#可以俾我瞓晏啲#一放工放假就返屋企陪我哋#永遠支持我做自己鍾意做嘅嘢#雖然個女今日淨係要爸爸我有啲呷醋#唔係有啲係極度呷醋#但係佢值得」

正如Leanne所說，昨早Jason一早起身送囡囡上學，他在IG限時動態紀錄了女兒Abigail上學的情況：「abi今日將會第一次搭校巴，我完全想像到佢上校巴嘅時候嗰個情景，佢一定會喊到豬頭咁樣，但係其實爸爸先會係最心痛嗰個。」殊不知這不過是Jason單方面的想法，實情是：「大佬上校巴嘅時候冇喊。」