Juicy叮｜不知孫仔返半日無去接放學 奶奶得知後繼續飲茶惹港媽不滿
2021-09-05 12:00 
莘莘學子終於迎來9月上學的日子，不過不少家長就為接送子女上下課而「頭痕」。有港媽表示，開學日當天，奶奶以為孫仔全日上課，故中午未有準時到學校放學，即使獲告知後亦不願立即動身，反而繼續與朋友在茶樓飲茶，着孫仔在學校等一個小時，令港媽感到相當不滿！
該名港媽在「香港討論區」發文，指自己與丈夫打算兒子坐校巴返學放學，但因錯過交車費的日子，要到下周才能乘搭，而樓主與丈夫均需上班，故只能送兒子上學，需拜託樓主母親及奶奶輪流接放學。
樓主表示，開學日當天，兒子只需回校半天，她卻忘記提醒奶奶；直至中午放學時間，兒子的班主任致電事主指未有人接送，她始記起奶奶對兒子「返半晝」一事毫不知情。樓主於是立即致電奶奶，怎料對方竟表示「我以為3點幾先接佢喎，我啱啱拎咗位同朋友飲茶，遲一頭半個鐘先去接佢得唔得呀？叫佢喺學校做住功課先啦。」
樓主聞言後感到相當不解，她坦言自己未有事先提醒奶奶，形容「我又衰嘅」，但對奶奶只顧飲茶而不立即動身接送感到無奈，「我都知我唔記得同你講係我唔啱，但係點樣遲個幾鐘先去接呀奶奶？你接埋佢去一齊飲茶唔得咩？」她又透露，最終由其母親坐的士前往學校接孫，又稱當晚到奶奶家吃飯時「一定有說話聽」。
帖文引起網民討論，不少人都認為樓主未有事先告知奶奶，亦遲交了車費，故「漏接送」一事錯不在對方，「係你冇提佢，100%係你錯」、「樓主，有冇諗過點解唔記得交車費？人哋錯就千字文，自己問題就冇所謂、唔記得咗啫」、「當你要搵奶奶或老爺幫手 就要跟緊啲 唔好咁多錯」。
另外亦有網民指，為人父母應確保自己有時間照顧子女，「自己嘅孩子，當然自己都要著緊啲留意啲」、「其實沒時間沒資源就真係諗清楚先好生。好多人一生完就覺得全族人欠咗佢一樣」。
資料來源：「香港討論區」
最新回應