40歲單身不覺孤單 胡定欣收生日大禮：LOVE U ALL

視后胡定欣將於下周四（9號）迎接第一個「4」字頭生日，早前她在黎芷珊主持的TVB節目《單對單》中自爆已近6年沒有拍拖，渴望戀愛，感覺自己會孤獨終老。雖然40歲仍然單身，但定欣並不孤單，因為演藝路上一直有一班忠實粉絲支持，她今日在IG透露一班粉絲好有心，特別為她搞了一個迷你展覽會，定欣亦有親身到場收這份「生日大禮」。

從相中所見，牆上掛滿多幅定欣演出過的劇照、活動靚相、與fans聚會合照，還有剪報等等，非常有心思。定欣留言感激一班粉絲所做的一切：「感激，感謝，一張張有你哋陪伴住度過，事業上大大小小重要時刻的相片，勾起一連串屬於我哋嘅回憶！感激一路以來嘅支持同陪伴，呢條路走到今日依然留喺我身邊！有你哋在我並不孤獨！非常感謝你哋在今年生日送咗呢一份咁大咁有心思咁有意義嘅禮物畀我！我應承你哋，我會更加努力做好我自己，工作上有更加好嘅角色好嘅作品畀你哋見到！創造更加多屬於我哋嘅回憶！LOVE U ALL！~」

她還在片中承諾：「佢哋（粉絲）係咪驚我就嚟唔做嘞？哈哈，好驚係咪？唔使驚，我明年、再明年、再大後年，一定仲有好多相放喺呢度。」