午餐煮烤羊扒 丁文琪教你如何令小朋友安靜食飯

林宥嘉老婆丁文琪全力做煮飯婆，每日負責一家四口嘅三餐，肚餓睇佢IG會好痛苦，因為#拎太太上菜嘅Po都好吸引。拎太太好享受烹飪，見佢中西日泰式乜都識煮，最常煮係西餐。

前日林家午餐有香料烤羊排與焦香馬鈴薯，晏畫食羊扒？冇話嘅，食龍蝦都得，點解成日煮西餐？聽吓拎太太點講，「西餐最方便了，一人一支羊排發下去，就可以安安靜靜吃頓飯😮‍💨」想小朋友食得安靜，最佳方法就係要佢哋個口長時間唔得閒，師傅明白了。