相隔34年「母子」重聚 梁朝偉被嘟姐爆喜愛夜蒲：嗰時後生嘛！

影帝梁朝偉 (偉仔) 近忙於為他首部主演的荷里活Marvel超級英雄電影《尚氣與十環幫傳奇》（Shang-Chi and the Legend of the Ten Rings）宣傳，上星期接受了鄭裕玲（Do姐）的訪問，2人當年在劇集《倚天屠龍記》飾演張無忌及殷素素，相隔34年「母子」重聚，一見面即擁抱，而向來寡言的偉仔更講聲沙。

Do姐在節目中不停爆料，指偉仔早年曾豪言要在36歲退休，現年59歲偉仔笑言已經忘記，但直言年輕時工作太過辛苦，但隨住人長大，價值觀也有所不同，現時思想「佛系」，「依家有興趣咪拍下，冇俾一個限制自己，唔係冇諗住退休，但攰咪抖下囉，如果好有興趣就做，始終係自己鍾意嘅嘢。」他更預告將會飛溫哥華拍電視劇，是他拍完TVB劇《俠客行》後，相隔33年後再次演出電視劇。

Do姐又指偉仔當年喜愛夜蒲，偉仔直認：「嗰時後生嘛！不過戒咗20、30年，依家食完晚飯就返屋企。」現在的偉仔生活好有規律，由於腸胃欠佳，好易食物中毒，所以飲食比較清淡；而朝早都會6時起身做2小時運動，洗澡後再去超市買沙律及蕎麥麵自製早午餐，他表示最不想病住開工：「試過拍王家衛部戲，有次發燒，但佢話章子怡得嗰日檔期，唔拍唔得。」工作以外，偉仔最喜歡水上活動，但否認愛獨處，也會約朋友一齊玩帆船、滑水及衝浪。他表示曾在帆船比賽得獎牌，嘟姐問他可有想過參加奧運？他笑言：「體力邊夠啲後生？我係Enjoy唔使贏。」

而偉仔在《尚氣》中飾演「文武」一角，他直言比想像中辛苦，不是一般的大反派，「睇劇本發現唔係咁邪惡，好多感情戲同人性化。同埋之前話唔使點打，但喺悉尼一開工就拍打戲，一日拍足10小時，冇放飯時間。」他指自己一開始沒有預備要打，所以埋位前會跟陳法拉和劉思慕一齊練習，會盡量親身上陣。