湊仔女忙到甩轆　吳若希樂見菊梓喬遇到真愛：未來嘅嘢冇人知

吳若希（Jinny）婚後誕下4歲囡囡Giselle和10個月大囝囝Kylian，她透露昨晚出席活動前，要先陪一對兒女食飯，再極速以半小時化妝才能出來，分秒必爭！她說：「每晚要等兩個小朋友瞓着，先有自由，即係有做媽媽嘅me time，因為呢段時間太開心，即使每朝8點要湊讀K2嘅大女返學，我晚上都會好好享受到凌晨2點先會瞓覺。」

Jinny自爆早前要拍劇的時候更是忙到「甩轆」，經常讓大女「帶漏嘢」返學，很尷尬，幸好幼稚園功課簡單，不懂中文的工人姐姐也可以幫手；而老公雖然有幫忙湊小朋友，但因通了關，開始要忙生意及見客。問到一對子女看到她出街會否扭計喊？Jinny笑謂：「冇喎，仲好瀟灑咁任我走，可能佢哋好開心終於冇王管，有自己嘅me time，哈哈。（是否怪獸家長？）暫時唔係，不過大女快將升讀小一，要準備應付考試同面試，亦發覺佢有幾多進步空間，某些事可以做到，所以都會畀少少力佢。」

另外，談到吳卓羲和菊梓喬的緋聞，她表示有留意到，並指大家能找到真愛是好開心的事。說到吳卓羲已否認，Jinny說：「咁都可以做下朋友，冇問題，未來嘅嘢冇人知。」