陳家樂廖子妤讚厲害 談善言 楊偲泳拖手玩「孖咇Wake」

香港有好多藝人鍾意玩Wakesurf，陳奕迅老婆、KB、周秀娜、關智斌、陳家樂、吳千語、MIRROR嘅AK同Alton，張振朗同女友楊偲泳及談善言等等。談善言應該今年先開始玩，但因為鍾意加上成日玩所以玩得唔錯，仲因為好勝好快學識360度轉。

談善言及楊偲泳因為18年拍攝電影《喜歡妳是妳》而Friend咗，今日就約埋一齊玩Wakesurf，仲拖住手玩「孖咇Wake」，好有難度㗎，但佢哋都玩得好好，最後阿談唔夠力而跌咗落水。兩人將滑水片段放上IG，獲同樣鍾意玩Wake的陳家樂及廖子妤讚厲害。