Juicy叮｜點知新來女同事有無男友？求教帖引逾百網友教路

日日返工，在職場上認識另一半的機會肯定比其他地方高，有男網友對新來的女同事有好感，於是上網求助如何知道新來女同事有無拍拖，引來逾百位「塘邊鶴」獻計。

該位男網友在社交媒體「扮工室求生攻略」發帖問：「點樣先可以知道，新黎既女同事有男朋友未？」結果短短數日已吸引逾一百六十位網友熱烈回覆。

網友們獻出不少旁敲側擊的妙計，較具創意的有：「突然間指著佢身後，講 e 你(男)朋友黎左喎。睇下佢有咩反應，佢話我都冇男朋友，你就話，嗯，好快就會有。 如果佢真係望下睇下有冇，你就同佢講，係你面前丫。」「揾個靚嘅地方，行埋同佢半講笑咁講，喂，呢個地方好靚，放假可以同你男朋友去玩喔，但係你有冇男朋友先～」「同佢講，你男朋友喺公司門口等你wor，如果冇，佢實會講冇。」

不過，最多網友支持單刀直入：「直接問啦⋯⋯咩年代呀⋯」「問咪知囉。咁簡單！」「你有冇男朋友，呢6個字如果加埋你(都)唔識讀既話，咁你唔好問。」

但是，如果這位男網友無膽問，如何是好？一些網友似乎有經驗幫助非行動形的宅男求偶，他們有另類建議：「叫佢除低口罩，就知。」「貼張相上黎，就知。」「揾問米婆……問。」

大家七嘴八舌，但是，萬一該女同事真的有男友，樓主應怎樣面對？有網友即刻大派定心丸：「有男朋友至好，因為你只需要擊敗一個對手，冇男朋友果啲，分分鐘有成班......兵，到時仲難落手。」

熱議一番後，一些網友突然拋下「發人深省」的答案：「需要知道(對方有男朋友)咩？」「有冇男朋友唔係問題，結咗婚未先至係問題。」「你返工就係為咗要知道啲女同士(事)有無男朋友 ? 你嘅心態同思緒 ..... 應該要去排期接受治療了 ....」


資料來源：扮工室求生攻略