鍾培生出post感謝團隊堅持 網民反問：你覺得你真係贏咗

林作與鍾培生的「百萬大戰」昨晚終於打到上擂台，林作和鍾培生的對戰掀起全晚高潮，雙方經過對戰4個回合後，結果鍾培生以點數取勝出，賽後鍾培生表示未能K.O.林作感到有點失望。今早鍾培生在IG貼上台上相並留言感謝爸爸媽、教練團隊、所有拳手和所有表演嘉賓以及製作團隊的努力，令拳賽順利完成：「因為有一班相信我嘅支持者，我先有力量可以堅持，每日同自己講一定要做好每一件事，要堅持理念支持廣東話製作、支持本地團隊同為香港散播更多正能量，好感恩有你哋，因為有你哋，我先會想每日起身去進步，想同大家一齊成長繼續一齊贏 So loved and so blessed .」

但有網民明顯不收貨，皆因兩人在台上攬多過打，有評述形容他們「無限擁抱」，而且更經常見到林作「走嚟走去」，於是有人留言說：「我唔係 haters，但老實，你覺得你尋晚真係贏咗？」「連林作呢啲新手都K.O唔到，笑死！」「真人版大師兄對真人版外賣仔，邊個真係大贏家大家心照啦！」而林作其後在FB重post在2月時的post，相中到他攬實梳化，他寫道：「其實早在2月，我就開始著手準備 #金蛇纏絲手 了。不枉我的苦功」

另一方面，汪阿姐和羅家英認真捧場，昨晚兩人睇足全場，阿姐更貼上與鍾培生的合照並說：「恭喜恭喜！Derek 表現好，媽咪Rita可以安心了。」