謝安琪零妝月餅面獲讚似18歲 陳凱詠全家行山賀中秋

張繼聰謝安琪一家住喺比華利山4000呎獨立屋，過中秋最好梗係去天台食月餅賞月同玩燈籠，阿聰大仔，14歲張瞻上載咗一家喺天台過節嘅溫馨相片，相中仲見到張氏夫婦嘅父母，三代同堂過中秋，快樂就係咁簡單。


另外，44歲的謝安琪為應節自拍咗一張零妝戴眼鏡嘅相，自稱「月餅面」， 用以祝賀大家圓圓圓圓，但朋友都錯晒重點，係咁讚佢後生，陳茵媺讚佢似18歲，泳兒話佢好似學生，王君馨直頭想咬佢一啖。

而呢期幾受歡迎嘅陳凱詠就選擇喺中秋同屋企人去行山，佢話，「無論多忙都要見見屋企人(本人是傳統老土仔非常enjoy family time的)，中秋節是團圓的日子，大家都好好休息，見朋友之餘也和家人享受一下節日吧(⁎⁍̴̛ᴗ⁍̴̛⁎) 中秋節快樂~🌕✨」