胡應湘稱未聞中央向地產商施壓 捐售農地難解供應問題

合和主席胡應湘接受無綫新聞訪問時指，未聽聞中央向地產商施壓，又不認為地產商「遊戲規則」已改變。

胡應湘表示：「有啲人呢好似想做成個形勢，嘩北京依家行共產制度，迫你(地產商)捐（地）出嚟，其實從來我無聽過有依件事，就算國內都無沒有依件事，佢無話叫喂迫恒大捐啲地出嚟。仲話講到係我講，無依件事絕對。」

胡應湘認為，「北京唔會直接干預香港嘅發展商，因為居住嘅問題係香港本身嘅問題，香港自己本身解決。(中央)唔會話唔耐煩，但有責任督促(香港)政府，依(房屋)個係問題，我哋要解決，令個個(人)都安居。」

胡應湘指，就算香港地產商捐出所有農地，都只佔土地供應極少部分，無助解決問題，最有效方法是開山填海。

胡應湘表示：「有啲人講呢，個幾大地產商攞新界農地捐出嚟又好，賣出嚟又好，就會解決問題。依個不是，因為地產商所有嘅(農地)，我相信唔會超過8平方公里，仲有捐出嚟嘅係是生地、啲農地，未起到屋。香港嘅歷史就係咁多年都係開山填海，你如果開得到十零平方公里嘅呢，我相信香港啲人可以住得好舒服，又希望壓力唔使咁緊張，我覺得呢依啲係政府嘅責任，將個啲土地能夠充分利用。」