陳凱琳2歲半大仔善於交際唔怕醜憂好快有「女朋友仔」

2021-09-24 16:45

陳凱琳（Grace）和宋熙年今日在尖沙嘴出席活動，Grace表示只有出活動時才可以扮靚，笑言在家打扮很隨便，分分鐘嚇親人。兩個囝囝也不會特別愛扮靚，因為Grace只會給他們二選一，她解釋：「我要等佢哋習慣吓，如果有太多選擇權，將來可能會變得好奄尖。我媽咪話我細個時候揀衫企得好硬，搞到媽咪都要就範。」

提到2歲半的大仔現就讀全日制的N班，可以有多些時間照顧細仔，Grace說：「好開心大仔都鍾意返學，佢同老師及同學仔有好多互動，仲結識咗一位男同學仔做好朋友。」可會擔心大仔很快有「女朋友仔」？她說：「都有少少，但老公（鄭嘉穎）就一定唔擔心，佢好贊成小朋友識多啲朋友。」可望大仔青出於藍，比爸爸早開始拍拖？Grace說：「識多啲人係好事，兩個仔都善於社交唔怕醜，特別鍾意同姐姐傾偈。」