Juicy叮｜港媽呻港鐵內跟兒串拼生字被側目搖頭 網民質疑擾民

有位媽媽在討論區「親子王國」發文，呻港鐵內跟兒子拼讀生字被人厲目而視及搖頭，感覺被當成怪獸家長，引來網民議論，有人質疑重點是滋擾其他乘客。

媽媽稱，與兒子坐港鐵時站在車門前位置，串讀英文生字。媽媽指，當時已經低下頭不大聲，不過有一名相隔約5至6呎的女乘客，「眼超超望著我們及不停搖頭。(女乘客)收回自己感覺的說話。」

媽媽強調，只是串生字約3分鐘、1個車站時間，而且她聽力正常，不會說話超太聲。「可能真被視為怪獸家長。因為小朋友剛上小一，第一次默書，幼稚園沒有默書的。真係在家讀極都唔記到。我以前家窮，真的在街上做功課，讀書。以為在地鐵串吓字沒問題，估唔到現今的人會為此而不滿，以後都會注意吓，免得引起別人不滿，不快。」

這位媽媽認為，「其實我覺得她怪，係我自己個人的感覺，我沒有同她這樣說，我都馬上落車，免生事，而且並無意是什麼串字大晒。以後真係坐少啲地鐵。」

有網民認為並無不妥，「好多人乜都包容唔到，無視便可」。

也有人認為，「因為你好似怪獸家長，無必要搭車都同小朋友串生字，溫書留在家做吧，外出小朋友都唔會專心到，真係急到坐車都要溫習？」、「俾我覺得你好怪獸家長 ，同小朋友出街就比佢地放鬆吓啦， 串字呢啲返屋企先啦」

不過另一批網民就質疑，「唔好講搭地鐵，坐巴士都係。除非個電話好緊急，如果係風花雪月，講無謂嘢嘅，一般有教養嘅人都會示意來電者係車廂入面，唔方便講電話。呢啲咁基本禮儀原來咁多人都唔識。佢地真係唔係扮喎，仲好力直氣壯覺得我係咁㗎啦～吹咩！嘅心態」、「非常同意。重點在是否大聲騷擾到人，而非大人與小朋友溝通嘅話題。」 、「地鐵咁多人，佢哋嘅舉動都可以令人注意到嘅，可想而知，唔會係細聲，而且串字細聲，邊會有人留意到吖。一係樓主真係好大聲。一係係樓主自己多心，自己都覺得自己有問題，先不斷留意人哋有無留意佢啫」

帖文轉載「地鐵內串生字被人眼超超及搖頭」