蘇皓兒打街波冇仔吼 同型男合作唔諗感情事

蘇皓兒（Chole）今日出席三人籃球賽決賽，她笑言撒手鐧是幫手出圈及射3分波，不過自問不及男仔鬥，所以通常在外圍射波，並自爆雖則不時打街波，但不會吸引到男生，皆因打扮求其。她說：「我覺得運動型嘅男生都吸引，打籃球都OK㗎！如果揀對象要睇性格為主，都要大家夾到。」
Chole又透露在新戲中飾演塔羅牌師傅，當中會協助調查案件。現實中的她也篤信風水命理，去年開始請來師傅為家居睇風水外，亦配戴水晶。她說：「擺風水都係利事業同人緣，上年話我忌水，今年先去學潛水。」

談到新戲跟型男吳卓羲和栢天男合作，Chole說：「之前跟栢天男合作過，但今次嘅角色大家都好唔同，都好期待。跟吳卓羲未正式開工做對手戲，希望到時無壓力，我見佢接受訪問感覺好友善。（喜歡這類男生？）佢哋外形吸引，不過工作還工作，工作唔可以諗感情嘢。」