Ian自爆拍拖使費慳住使

　　(星島日報報道)陳卓賢（Ian）昨日出席活動，近年他工作量激增、頻頻賺外快，不過卻對自己的薪酬完全不知情，笑說一切交由公司掌握，十分期待出糧：「一年半載先出一次糧，年頭出過一次，要慳啲使，好彩我冇乜大消費。」還表示日常最大開支用於家庭及媽媽上，與女友盧慧敏（Amy Lo）拍拖亦不會太多消費。日前女友28歲生日，Ian說：「送咗心意同祝福，禮物都有。」Ian雖然不是月月出糧，幸好女友沒投訴，他說：「物質唔太重要，衣食住行應付到就可以，心靈上多啲，唔使太多物質。」

　　此外，近日有Rapper出歌批評MIRROR，Ian表示沒留意，但認為音樂是自由表達的渠道，為自己發聲。對於被抨擊某些成員只賣樣沒有實力，Ian大方回應：「首先多謝佢覺得我哋靚仔，大家私下都付出好多努力，當然佢哋都天生麗質，唔係只靠化妝，我哋都有去上堂學唱歌，希望做到一個標準，等大家知道我哋有努力。」更表示不會因此嬲怒，至於組合歌曲被批沒有個人情感，他則表示會集中自己的作品為主。