Juicy叮｜蟹柳壽司加水變「海鮮粥」港女自誇：覺得自己好醒

地獄廚神們對煮食的創作力量同幻想，果真會嚇人一跳。有網民於討論區分享聲稱屬於1名女子的instagram限時動態截圖，她指因身體不適想食粥，惟自己不諳下廚，故忽發奇想利用蟹柳壽司加水再加熱炮製「海鮮粥」，照片引起網民的熱論，紛紛大讚該名女子創意滿分！

有網民於「連登討論區」分享一張instagram限時動態截圖，聲稱一名女子疑因身體不適希望可以食一碗熱騰騰的粥，惟自己不諳下廚，故忽發奇想利用壽司「加工」。從相中可見，該名女子疑在家中廚房，於湯煲內放入為數約4件的蟹柳壽司，並加入少量清水，再用鑊鏟攪拌，惟外貌與「粥」仍有一段距離。女子似乎對自己的「傑作」十分滿意，沾沾自喜表示，「我真係覺得自己好醒！」。

帖文引起網民的熱論，不少網民大讚該名女子想法有創意，「又幾有諗頭」、「係幾有創意，但好唔好食係另一回事」、「其實都可以嘅，壽司海鮮粥，佢啱啱放落去影，見佢有放水算係咁」、「自己整自己食，唔舒服，又橫風橫雨，善用手頭上嘅材料，OK啦」！

資料來源：連登討論區