Moka馬路邊打卡 媽媽取笑唔識擺Pose：這個腿怎麼放

天王郭富城太太方媛（Moka），係網紅模特兒出身，擺Pose影相絕對難佢唔到。但Moka噚日（16日）竟然係社交平台吐苦水，呻有人暗示佢唔識擺Pose，究竟邊個咁大膽？Moka話：「我媽昨天（前天）給我拍照，拍著拍著說：『你去看看網上人家怎麼擺Pose的、這個腿怎麼放的。』你的意思是說我不會拍照嗎？我媽居然嫌棄我不會擺Pose。」

哦，原來係Moka媽，難怪講說話唔使畀面。其實，Moka即使Pose擺得唔好都唔緊要，人靚先係重點，短裙仔晒美腿，點影都癢眼啦。但相中見Moka企喺馬路泊車位隨處影相，確實有啲危險，下次都係行番上行人路，小心啲喇！