熊黛林3歲孖女對答如流 一時感觸：相信駁嘴嘅日子不遠了

40歲的熊黛林（Lynn)16年嫁給郭可盈弟弟郭可頌，兩年後誕下一對孖女，做幸福少奶奶。近年因為疫情關係，Lynn在內地工作暫停，變相可以抽出多點時間陪伴孖女，昨日（17日）Lynn便與老公湊孖女遊主題公園，一家四口參觀水族館、睇熊貓，更齊齊坐纜車，十分溫馨。

已經3歲的孖女長大了不少，Lynn在IG上載片段，片中大女Kaylor對答如流，指上次媽咪返工沒有一齊去，但跟婆婆睇熊貓時，熊貓卻因瞓覺只看到pat pat，看不到樣子，十分搞笑。

之後Lynn再問女兒最鍾意看甚麼動物，細女Lyvia馬上搶答：「鯊魚同魔鬼魚！」看到女兒口齒伶俐，Lynn亦感嘆表示:「平時都唔覺，孖寶同我對答如流，但睇到呢條片就覺得佢哋已經大個，相信駁嘴嘅日子不遠了！」