女經紀疑遭男客迷姦｜女事主否認「未賣到單」主動建議到被告家中飲酒

29歲女保險經紀3年前在37歲男客戶家中傾談購買保險事宜，稱自己喝了大半杯啤酒後失去意識後遭男客戶強姦，她求醫時發現體內有安眠藥成分，遂報警處理。男客戶否認一項強姦罪，案件今於高等法院續審，辯方盤問女事主時稱，女事主與被告共餐仍「未賣到單」，便主動建議到被告家中飲酒繼續詳談，但女事主全盤否認辯方所說，但同意自己曾與被告傾訴她跟男友經常吵架，以及推銷保險並不容易等。

控辯雙方承認事實中指，37歲男被告林劍峰與X曾見面兩次並到被告家，第一次在2018年7月28日，第二次在2018年8月29日，即案發當日，惟X在庭上作供時堅稱自己只與被告在案發當日見面一次，辯方質疑X講大話，X則指可能自己「語速快」、「跳住講」，而令警察記錄錯誤，X堅稱自己在2018年8月29日前從未見過被告，在2018年7月28日沒有上過被告家。

辯方律師讀出X與被告的手機訊息紀錄，指出二人約定在2018年7月28日於長沙灣地鐵站見面，但X及後沒有回應，理應已應約見面，又指出假若X沒有與被告見面的話，自然會回覆沒有應約的原因。X回覆指：「對於我?講唔係，我性格就係咁，我幾有性格架，我睇心情，想應就應，唔應就唔應」，X又指自己會「揀客」。X舉例解釋：「就算岩岩見完面食完飯?朋友打電話比我，我都會cut線」。

辯方又指，既然二人在2018年8月29日前從未見面，為何被告在2018年7月31日凌晨時分私訊X問：「係咪?緊？」，X翌日回覆指自己當時已睡，又指自己一段在晚上11時許睡覺，辯方遂質疑如二人從未見面，為何X又會詳細回覆。X則稱：「無聊我就會覆」。辯方再問X如二人在2018年8月29日前從未見面又未上過被告家，為何在二人見面前X會私訊被告：「你餵寵物先」，得悉被告家中有寵物。X回答：「我唔知喎！我點解叫佢餵寵物呢？我唔知喎」。

法庭記者：劉曉曦