MC洪嘉豪尾場音樂會大玩hehe 純粹為搞氣氛：專業演員

2021-10-24 10:30

張天賦（MC）和洪嘉豪（KAHO）一連兩場《我是現場》音樂會，昨晚舉行尾場演出，MC和KAHO幾次深情拖手，其間KAHO又伸手摸向MC頸和衫領，甚有hehe感覺。經一輪熱身後由KAHO彈琴與MC合唱周杰倫《安靜》、Jace《隔離》及陳奕迅《歲月如歌》等歌曲，KAHO揚言看好MC今年勇奪商台新人獎。

前晚KAHO在首場演出中爆喊，昨晚在同一環節再度落淚，他感觸說：「一直收到大家好多鼓勵說話，叫KAHO給啲信心自己，我必須承認我係冇自信心嘅人，有次睇到報道，活動有20人參與，文中提咗19人唯獨無我，令我覺得自己真係很渺小，冇存在價值，一度失去自信，影響信心，但今晚我搵到自己價值，希望未來一齊成長。」之後哭着獻唱《主角光環》。MC爆開騷首日有人以500元打賭KAHO不會哭，最終還是落淚：「噚有人打賭1千蚊，點知都係喊晒。」尾聲時兩人拖手合唱《勞斯萊斯》，KAHO主動替MC抹汗又攬腰，觀眾紛紛起哄。最後MC獻唱《窮小子》後終到他忍不住爆喊，完騷後觀眾未肯離場，兩人再度現身Encore，由KAHO充當樂手，還臨時拉了陳蕾上台夾歌。