鄧月平手痕搵杯困住大黃蜂 網民籲小心報仇

23歲的鄧月平（Larine）去年尾成立個人工作室，歌影雙線發展之餘仲做埋幕後，有身材又有腦，絕對係周秀娜2.0。尋日，鄧老闆Po咗段片，片中佢搵個大啤酒杯吸住隻大黃蜂，仲話：「omg美好的星期一」。讚隻蜂好靚之餘，仲戴定頭盔話欣賞完就會放佢走，不過網民就唔建議佢放返出嚟，「佢好大機會攻擊你，就算唔攻擊黃鋒識認路，拖馬『覆桌』仲大鑊 。」、「依啲蜂真係好惡死真係會咬人㗎，KO佢好啲。」唔知鄧老闆點決定，但下次咪制嘞，人哋搵嘢困住你你都唔鍾意啦。