周秀娜被指暴瘦變火柴人 強調身體健康冇問題

周秀娜和張繼聰主演的電影《馬達．蓮娜》，成為《第18屆香港亞洲電影節》開幕電影之一，昨晚兩人出席開幕禮。近月被指暴瘦的娜姐身穿露肩裙現身，鎖骨盡現，對於被指身形太瘦更變火柴手，娜姐笑說：「如果大家想我肥返少少，我就增肥啦，有時可能角度或燈光問題，線條出少少，就會覺得係咪肥咗？當瘦少少就會話瘦咗呀！多謝佢哋關心，但我健康狀況ok。」娜姐在戲中有穿旗袍的知客造型，她大讚感覺特別，開拍前原打算到酒樓觀察知客工作情況，但發現現今的知客大部份只穿著西裝，不過她認為著旗袍能表達出女性體態美。

至於張繼聰以往大多是搞笑角色，他指今次跟以住所演的角色有很大分別，問到太太謝安琪對他有何評價？阿聰笑言太太在演戲上對他好崇拜，當知道他睇劇本就會「變身」，但今次所演的角色獲得影評人形容是他演藝生涯最巔峰，令他好開心。談到他今次角色沒有搞笑成份，可會擔心入場觀眾會笑？張繼聰謂：「有啲人硬係去到邊都鍾意笑，佢入嚟笑做乜都好，最緊要買飛入場，如果覺得笑唔夠，再買多次飛睇。」