梁詠琪鍾情坐渡海小輪享受當下慢活的感覺

2021-10-28 14:30

梁詠琪（Gigi）近日推出新專輯《Capítulo》承接上一張專輯《PRELUDIO》延續「說書人」音樂系列，帶你聽電影、說故事，慢讀生活和情感。Gigi親自挑選今次專輯的歌曲：「今次揀咗我成長過程中好有感覺嘅歌曲，有一種心跳嘅感覺，每首歌喺我的回憶中都有深刻印象。」結果她揀了《迷惘》、《初戀》、《秋色》、《流金歲月》及《當這世界無玫瑰》。

而拍攝唱片封套當日，Gigi化身作家走訪不同地方，選取了不同香港特色地方拍攝，如有渡海小輪，以及維港夜景等。原來Gigi本身亦很喜歡乘坐渡海小輪，她說：「我鍾意呢種慢慢嚟嘅感覺，呢種穩定向前嘅感覺都代表咗我嘅心態。我會同家人一齊搭小輪，好似去旅行咁開心，只係聚埋一齊看風景都已經好足夠，我鍾意呢份情懷。」