李亦喬領養唐狗體會湊B生活 喜與偶像劉青雲同場演出

李亦喬（Monnie）、前邦民女伍倩彤及布晞尤昨晚在中環出席開張活動，過去半年Monnie頻頻拍劇及電影，其餘時間都放在領養的小狗上，她解釋因緣份關係，早前在南丫島領養了一隻黑色唐狗，體會到做媽媽苦心，她笑說：「同湊BB一樣，每兩個鐘頭要餵佢食嘢，由細細隻養到佢大好開心，等狗仔穩定啲我就會出嚟賺多啲奶粉錢，BB寵物用品好貴，我唔食都要俾佢食。」

另外，Monnie之前有份參與在電影《掃毒3》演出，首次嘗試開槍追逐，演繹驚險場面，是很好經歷，向打女進發又近一步，而且在戲中能跟前輩合作偷師，又見到偶像劉青雲，站在對方身旁像小粉絲一樣。