陳煒斥資千萬購大埔半山新盤 明年搬入與醫生男友同居試婚

陳煒今日在九龍出席活動時，對於為TVB青春劇《青春本我》與炎明熹（Gigi）扮演母女，陳煒笑言好開心能夠參與青春劇，拍攝手法似MV一樣，拍出來效果好靚，雖則無份唱歌，但該劇主要展現他們的天賦。她說：「本身都有追睇《聲夢傳奇》，可以話睇住佢哋成長加入娛樂圈，都對佢哋好奇，想了解時下16歲妹妹嘅諗法。」談到Gigi被封為「火星女神」，她笑言聽得明對方說甚麼，亦跟對方算多交流，又讚Gigi好得意。她說：「我有問佢條腰有冇22吋？佢話冇呀！佢又唔多食嘢，我咪買多啲嘢畀佢食囉！」

本月21日是陳煒的48歲生日，她表示每逢這個月份也會為台慶張羅靚衫，醫生男友陳國強（Aldous）會否給予驚喜也覺得無所謂，今年應該會過二人世界慶祝。另提到有報道指陳煒斥資過千萬買入大埔半山的新翠山莊，購入後已升值。當記者祝賀她榮升做業主，她表示多謝，但可有升值仍未知道，不過好開心所買的樓盤地點鄰近白石角站，相信有升值潛力。談到有指該處風水旺她事業？陳煒說：「我哋做呢行，都好多信風水！寧可信其有，不可信其無。（會否催谷結婚運？）唔知喎！明年先搬入去。（早前跟男友一齊揀選傢俬？）研究下，開始部署！應該都會一齊住。」