大圍街市人流明顯減少 檔販大呻：有街坊見要掃「安心出行」即調頭走

政府的防疫措施愈收愈緊，今日起市民進入政府處所強制使用「安心出行」，當中包括食環署轄下公眾街市。記者今早到大圍街市視察，發現街市各個出入口均貼有4至5張「安心出行」二維碼，亦有食環署人員看守，協助長者及外傭掃二維碼，不過，有街市菜販訴苦，指有街坊「怕麻煩」而不入街市，寧願改到街市外的菜檔買餸，令他們生意額急跌。

現場所見，有市民拉着買餸車到街市門口打算入內時，始知新措施已經執行，於是向職員查問可否填表入內，當職員告知65歲或以上長者可照舊「填紙仔」後，該名街坊隨即填表，但僅填上姓名、電話、進入日期及時間，未有寫上身分證明號碼，亦未有簽名，甚至沒有放入收集表格箱內，任由紙仔隨處收，職員亦未有理會及上前檢查。

至於街市內的人流明顯減少，水靜鵝飛，只有十多名市民入內買餸，有商販大吐苦水表示：「而家黃金時間嚟㗎嘛，平日好多人，今日得嗰幾個人，生意跌咗好多呀」，但被問及生意損失多少，則不願透露。另外，亦有商販指今早曾有街坊到場意圖入內買餸，但見到門外有職員看守，亦需掃「安心出行」後，即轉身改到對面街買餸，「有幾個人見到要掃code（安心出行）都即刻調頭走啦，咁麻煩邊個有人想入嚟」。

與大圍街市一街之隔的菜檔則人頭湧湧，有職員透露今日做到「無停手」，「好多街坊都怕麻煩，所以唔入街市買餸，轉晒出嚟買，所以今日嘅生意多咗好多」。

另一邊廂，灣仔街市各個出入口都貼有4至5張「安心出行」二維碼，亦有食環署人員看守，協助長者及外傭掃二維碼，市民入內時自動自覺掃「安心出行」，秩序大致良好。